National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Астана, Қазақстан

Бүгін Астанада Мемлекет басшысы Нұрсұлтан Назарбаев «Әзірет Сұлтан» мешітінде болып, қазақстандықтарды Құрбан айт мерекесімен құттықтады

2013 жылғы 15 қазан

 

Нұрсұлтан Назарбаев осынау ерекше мейрамды бүкіл мұсылман әлемі атап өтіп жатқанын айтты.

– Бүгін барлық мұсылман үшін маңызды күн – Құрбан айт мерекесі. Қазақстанда біз бұл күнді өзге де діни сенімдегілердің мерекесі тәрізді атап өтеміз. Халықтың бірлігінің, Отанға деген сүйіспеншілігінің арқасында біздің еліміз табысты дамуда. Тәуелсіздік кезеңінде халқымыз өзінің тарихи дініне қайта оралды, бұл қуантады. Бүгінде күллі еліміз бойынша 3 мыңнан астам мешіт бар. Біз Қазақстандағы ең үлкен мешітті Астанада салдық, – деді Мемлекет басшысы.

Қазақстан Президенті қазақстандықтардың елдегі бейбітшілік пен тыныштық, бақ-береке мен бірлік тілеген барлық дұғасының қабыл болуын тіледі.

– Бүгін құрбандық шалып, мұсылмандар таза, адал ниеттерімен еліміз бен халқымызға ізгілік пен бақыт тілейді. Алла Тағала бізге тыныштық және көп ұлтты әрі көпконфессиялы халқымызға бірлік берсін. Сонда біз еліміздің барша азаматтарының игілігі үшін Қазақстанды одан әрі өркендете беретін боламыз, – деді Нұрсұлтан Назарбаев.

Сөзінің соңында Мемлекет басшысы Қазақстан халқын қасиетті Құрбан айт мерекесімен тағы да құттықтап, әр шаңыраққа береке-бірлік, бейбіт өмір және игілік тіледі.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің